Mamul.am
Полная версия Пресс-секретарь
USD 518.16, EUR 628.06, RUB 6.89, GBP 711.59
-6 °C, -3 °C ... +5 °C Завтра+3 °C
Hay / Հայ | Рус | Eng | Tür
Գլորվո՜ւմ ենք…
12:10, 26.11.2020


Մեր հավա՜տը, որ կարող էր

Սարե՜ր, ձորե՜ր, ծովե՜ր խառներ -

Չքացա՜վ,

Պա՜հը եկավ, որ մե՜կ մոմի

Ցա՜ծր արժեք չունեցավ:


Մենք «խե՜նթ» էինք, բայց խե՛ղճ չէինք-

Ժա՜մը եկավ ու առավե՛լ խենթացանք,

Ի՞նչ եմ խոսում, ի՞նչ խենթանալ-

Մենք ավելի ճիշտ՝

Խեղճացա՜նք:


Խեղճին ո՞վ է այս աշխարհում

Ինչ-որ բանի՜ տեղ դնում,

Խեղճին միշտ էլ տրորում են՝

Անդունդից ցած գլորում:


Գլորվո՜ւմ ենք, դեռ չգիտե՜նք

Որտե՞ղ պետք է կա՛նգ առնենք,

Ո՞ւմ ոտքի տակ,

Ո՞ւմ երախում հայտնվենք:


Ս. Հարությունյան

Поделись с близкими
| |
Ստեփան Ումառ-Հարությունյան
наверх