«Լաչինի միջանցքում ստեղծված ճգնաժամը չի հանգուցալուծվել, բացառությամբ թերևս մի բանի՝ վերականգնվել է Լեռնային Ղարաբաղի բնական գազի մատակարարումը»,- Կառավարության այսօրվա նիստի մեկնարկին ասաց ՀՀ վարչապետ Նիկոլ Փաշինյանը:

«Ինչպես ասել եմ բազմիցս՝ Լաչինի միջանցքը գտնվում է ԼՂ-ում ՌԴ խաղաղապահ զորամիավորման ներքո և ապահովում է Լաչինի միջանցքով տրանսպորտային միջոցների և բեռների երթևեկության անվտանգությունը: Այս դրույթն այսօր փաստացի չի իրագործվում»,- ասաց Փաշինյանը:

«Դե ֆակտո ստացվում է, որ եռակողմ հայտարարությամբ արձանագրված պարտավորությունը, այն է՝ վերահսկողության տակ պահել Լաչինի միջանցքը, չի կատարում նաև ՌԴ խաղաղապահ զորախումբը»,- նշեց վարչապետը: