Հայաստանի Օպերայի և բալետի ազգային թատրոնում տեղի է ունեցել ԽՍՀՄ ժողովրդական արտիստ, Հայաստանի ազգային հերոս, Հայաստանի պետական ազգային ակադեմիական երգչախմբի գեղարվեստական ղեկավար Հովհաննես Չեքիջյանի 95-ամյակին նվիրված հոբելյանական երեկոն։ Ելույթ են ունեցել Հայաստանի պետական ազգային ակադեմիական երգչախումբը, Հայաստանի պետական սիմֆոնիկ նվագախումբը և անվանի մենակատարներ ու դիրիժորներ։ 1961 թվականից Հովհաննես Չեքիջյանը հանդիսանում է Հայաստանի պետական ազգային ակադեմիական երգչախմբի գեղարվեստական ղեկավար և գլխավոր դիրիժոր: |