Հայ-ռուսական հարաբերություններում դժվարությունները ժամանակավոր բնույթ են կրում: Այս մասին ТАСС-ին տված հարցազրույցում ասել է Ռուսաստանի արտգործնախարար Սերգեյ Լավրովը: «Համոզված ենք, որ հայ-ռուսական հարաբերություններում դժվարությունները ժամանակավոր բնույթ են կրում: Դրանք կհաղթահարվեն քաղաքական կամքի առկայության դեպքում: Մոսկվայի և Երևանի միջև տպավորիչ տեմպերով զարգանում են առևտրատնտեսական կապերը: Վերջին տարիներին Հայաստանի ՀՆԱ-ի սրընթաց աճը մեծապես պայմանավորված է Ռուսաստանի հետ համագործակցությամբ և ԵԱՏՄ-ին Երևանի անդամակցությամբ: Մյուս տարի Հայաստանը կնախագահի ԵԱՏՄ-ում: Մեր գործընկերներին հաջողություն ենք մաղթում»,- ասել է Լավրովը: |