Փաստաբան Րաֆֆի Ասլանյանի ֆեյսբուքյան գրառումը․ «Ըստ ԶԼՄ-ների՝ երեկվա հեռախոսազրույցում Ալիևը Բլինքենին հիշեցրել է Հայաստանում ընդդիմության ներկայացուցիչների ձերբակալության և անազատության մեջ նրանց մահվան դեպքերի, ինչպես նաև մարդու իրավունքների խախտման փաստերի մասին և նշել, որ այս համատեքստում արևմտյան երկրների լռությունը թյուրըմբռնում է առաջացնում, և նմանատիպ փաստերը երկակի ստանդարտների վառ օրինակ են։
Յուրաքանչյուր անկողմնակալ դիտորդի համար ակնհայտ է, որ բռնապետ համարվող Ալիևի և դեմոկրատ ձևացող Փաշինյանի կառավարած երկրներում մարդու իրավունքների պաշտպանության, ժողովրդավարության արժեքների և դատարանների անկախության ապահովման առումով որևէ տարբերություն չկա՝ երկու ղեկավարների դեպքում էլ աթոռի, իշխանության և հարստության պահպանման համար լկտի պայքար է ընթանում՝ քրեադատավարական գործիքակազմի հայեցողական ու ապօրինի կիրառմամբ։ Պարզապես Ալիևի նման մեկը պետք է լիներ, որպեսզի այդ բացահայտ իրողությունն արդարացիորեն երեսով տար արևմտյան պաշտոնյաներին»։