Ֆրանսիան պետք է իմանա, որ Ադրբեջանի դեմ իրականացվող արշավն ու հնչեցվող մեղադրանքներն անպատասխան չեն մնալու։ Այս մասին հայտարարել է Ադրբեջանի ԱԳՆ խոսնակ Այհան Հաջիզադեն։ Ավելի վաղ Ֆրանսիան Ադրբեջանին մեղադրել էր Նոր Կալեդոնիայում տեղի ունեցած անկարգություններին սատարելու մեջ։ «Ֆրանսիական կողմը ոչ միայն դեռ ներողություն չի խնդրել նման անպատասխանատու և անընդունելի հայտարարությունների համար, այլև ավելի է ընդլայնել Le Point-ում և ֆրանսիական նմանատիպ այլ լրատվամիջոցներում Ադրբեջանի դեմ ուղղված զրպարտչական արշավը»,- ասել է Հաջիզադեն։ |