Վրաստանի խորհրդարանի իրավաբանական հանձնաժողովը քվեարկել է վետոյի հաղթահարման օգտին, որն «Օտարերկրյա գործակալների մասին» սկանդալային օրենքի վրա սահմանել է երկրի նախագահ Սալոմե Զուրաբիշվիլին։ «Վետոն հաղթահարված է հանձնաժողովում, և, համապատասխանաբար, այդ հարցը փակված է»,- նիստի ավարտին ասել է հանձնաժողովի նախագահ Անրի Օխանաշվիլին: Վաղը՝ մայիսի 28-ին, տեղի կունենա խորհրդարանի լիագումար նիստը, որտեղ պատգամավորները կհավաքվեն քվեարկության միջոցով վետոն հաղթահարելու համար: |