ՀՀ ոստիկանության պետ, ներքին գործերի նախարարի տեղակալ Արամ Հովհաննիսյանը լրագրողների հետ զրույցում Բագրատ Սրբազանին հորդորեց՝ «իրեն չափի մեջ պահել»։ Հիշեցնենք, որ առավոտյան ոստիկանապետը կոչով դիմել էր Բագրատ Սրբազանին։ Վերջինն էլ նրան պատասխանել էր։ «Էն բեմի կանգնող մարդուն ասեք՝ ամբախ-զամբախ չխոսա, թող փարաջան ու խաչը հանի, նոր խոսա։ Թող չափի մեջ պահի իրեն՝ Տեր հայրը, առաջին օրվանից ոստիկանության աշխատողներին վիրավորում է։ Իրեն էժան է պահում»,- ասաց ոստիկանապետը՝ հավելելով, որ ոստիկանների գործողություններն իրավաչափ են, եթե հակառակը պարզվի՝ կպատժվեն։