Հունիսի 7-ին Ֆրանսիայի նախագահ Էմանուել Մակրոնը և Ուկրաինայի նախագահ Վլադիմիր Զելենսկին 2 համաձայնագիր կստորագրեն՝ Ուկրաինային 650 մլն եվրոյի վարկ և դրամաշնորհներ տրամադրելու մասին, հաղորդում է Интерфакс Украина-ն՝ վկայակոչելով Ելիսեյան պալատի հաղորդագրությունը։ Նշվում է, որ առաջին համաձայնագրով Զարգացման ֆրանսիական գործակալությանը կտրամադրվի 400 մլն եվրոյի չափով վարկ և 50 մլն եվրոյի չափով դրամաշնորհ՝ մինչև 2027թ․ Ուկրաինայում իր գործունեությունն ընդլայնելու, էներգետիկ և տրանսպորտային ոլորտներում աջակցություն տրամադրելու համար։ Երկրորդ համաձայնագիրը վերաբերում է կրիտիկական ենթակառուցվածքի աջակցության հիմնադրամի ստեղծմանը, որում կներդրվի 200 մլն եվրո՝ էներգետիկայի, տրանսպորտի, ջրամատակարարման, սանիտարական, առողջապահության և գյուղատնտեսության ոլորտներում ֆրանսիական ընկերություններին աջակցելու համար։ |