ՌԴ նախագահի խոսնակ Դմիտրի Պեսկովը հայտնել է, որ ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հանդիպումը դեռ չի կայացել՝ երկու երկրների ղեկավարների գրաֆիկների անհամապատասխանության պատճառով:

«Մոսկվայի և Անկարայի միջև հարաբերությունների վատթարացման տպավորությունը սխալ է։ Ռուս-թուրքական շփումները շարունակվում են, տնտեսական երկխոսությունը շարունակվում է՝ առկա բոլոր խնդիրներով։ Մենք մեզ հաշիվ ենք տալիս, թե ինչ աննախադեպ ճնշում են գործադրում ամերիկացիները, անգլիացիները և նրանց կողմից ստեղծված նման քվազի-հետախուզական մարմինները՝ պատժամիջոցային ռեժիմ սահմանելու համար»,- լրագրողների հետ զրույցում ասել է Պեսկովը։