«Մայր Հայաստան» շարժման առաջնորդ Անդրանիկ Թևանյանը ֆեյսբուքյան իր էջում տարածել է իր հարցազրույցի տեսանյութը՝ կից գրառմամբ․ «Հանուն հակառուսական ու հակաիրանական իր ծրագրերի՝ ԱՄՆ մանրադրամ է դարձնում Հայաստանը։ Շահող կողմ են դառնալու ԱՄՆ-ն, Թուրքիան, Ադրբեջանը։ Նիկոլ Փաշինյանը համաձայնել է սպասարկել այդ ծրագիրը»։ Հարցազրույցում Թևանյանն անդրադարձել է նաև ՀՀ ԱԽ քարտուղար Արմեն Գրիգորյանի՝ «Ռուսաստանը եկել, մեր ձեռքից վերցրել է ԼՂ-ն, վերադարձրել է Ադրբեջանին» հայտարարությանը։ «Շատ տհաճ էր այդպիսի բաներ լսելը, դա նվաստացուցիչ էր մեր ժողովրդի համար, սարսափելի հայտարարություն էր ու սուտ։ Ստացվում է՝ հայ ժողովուրդ գոյություն չունի, կարող են իր ձեռքից վերցնել ինչ-որ բան, ինչ-որ մեկին տալ։ Փաշինյանը Ղարաբաղը պաշտոնապես հանձնել է 2022թ․ հոկտեմբերի 6-ին՝ Պրահայում։ Սրանից այն կողմ որևէ հայտարարություն մանիպուլյացիա է»,- նշել է Թևանյանը։ |