Ադրբեջանի նախագահ Իլհամ Ալիևը Թուրքիա կատարած պետական այցի շրջանակներում հանդիպել է Թուրքիայի վարչապետ Ահմեդ Դավութօղլուի հետ: Ինչպես նշում է ադրբեջանական «ԱՊԱ» գործակալությունը, հանդիպման ժամանակ Ալիևն ու Դավութօղլուն անդրադարձել են երկկողմ հարաբերություներին առնչվող մի շարք խնդիրների, քննարկվել հատկապես տնտեսության, էներգետիկայի և տրանսպորտի հետ կապված բազմաբնույթ հարցեր: Ալիևն ու Դավութօղլուն ընդգծել են համատեղ իրականացվող ծրագրերի կարևորությունը՝ առանձնացնելով հատկապես Բաքու-Թբիլիսի-Կարս երկաթուղին: Ադրբեջանի նախագահն ու Թուրքիայի վարչապետը հանդիպան ընթացքում առանձնացրել են նաև Լեռնային Ղարաբաղի հակամարտության կարգավորման անհրաժեշտությունը: Ալիևն այս առիթով հայտնել է, թե իբր հակամարտությունը պետք է կարգավորել տարածքային ամբողջականության պահպանման սկզբունքի հիման վրա: Հանդիպման վերջում քաղաքական գործիչները եկել են այն եզրահանգման, որ Ադրբեջանի և Թուրքիայի համագործակցությունը դրական է ազդում տարածաշրջանային զարգացումների վրա: |