Ֆրանսիայի նախագահ Ֆրանսուա Օլանդը հայտարարել է, որ իր երկիրը պատրաստ է պաշտպանել բոլոր կրոնները՝ առանց որևէ խտրականության: Ինչպես գրում է «ԲիԲիՍի»-ն, Ֆրանսիայի նախագահը հայտնել է, որ իր երկիրը պատրաստ է պաշտպանել նաև մահմեդականությունը, քանի որ մահմեդականները նույնպես զոհ են դառնում իրենց շարքերում առկա մոլեռանդ գաղափարներով տարված մի շարք խմբերի գործողությունների արդյունքում: Աղբյուրը նշում է, որ, խոսելով վերջին իրադարձությունների և Ֆրանսիայում դավանանքի ազատության վերաբերյալ, նշել է, որ իրենց համար քրիստոնեությունը և մահմեդականությունը գտնվում են միևնույն մակարդակի վրա: Նա նաև շնորհակալություն է հայտնել արաբական աշխարհին՝ Փարիզում տեղի ունեցած ահաբեկչական գործողությունների ժամանակ իրենց աջակցելու և սատարելու համար: «Ֆրանսիայի մահմեդականները նույն իրավունքներն ունեն, ինչ-որ մյուս բոլոր ֆրանսիացիները, և մեր պարտականությունն է պաշտպանել նրանց իրավունքները: Հակամահմեդական և հակասեմական ցանկացած գործողություն դատապարտվելու և պատժվելու է»,- հայտարարել է Օլանդը: |