«Eurasianet» գործակալությունը անդրադարձ է կատարել ռուս զինվորի կատարած ոճրագործությունից հետո Գյումրիում ծավալված գործողություններին: Աղբյուրը նշում է, որ ՀՀ Գլխավոր դատախազ Գևորգ Կոստանյանը, տեսնելով ժողովրդի զայրույթն ու վախենալով, որ հայերը կսկսեն երես թեքել իրենց մեծ եղբայր Ռուսաստանից, հանդիպել է ժողովրդի հետ և փորձել հանգստացնել նրանց՝ նախաքննության անցկացման վայրի մասին լուրը հայտնելով: Սակայն, ինչպես ցույց է տալիս ստեղծված իրավիճակը, ակնհայտ է, որ Գյումրիի սպանությունը կարող է լուրջ փորձության ենթարկել Ռուսաստանի հանդեպ վարած ՀՀ քաղաքականությունը և ինչպես նշում է «Observer» գործակալությունը, նույնիսկ որոշակի կերպով փոխել այն, քանի որ Գյումրիի բնակչությունը ցասման մեջ է և մեղադրում է երկրի իշխանություններին Ռուսաստանին ամեն կերպ ենթարկվելու համար: Վերջինները պահանջում են իրենց իշխանություններից այս հարցում չղեկավարվել Մոսկվայի թելադրանքներով և արժանի կերպով պատժել ոճրագործին իրենց երկրի տարածքում: |