«Facebook» սոցիալական կայքի տարբերանշանը ամենահայտնի տարբերանշաններից է հանրության շրջանում, բայց քանի որ այժմ մարդկանց մի ստվար հատված սոցկայքից օգտվում է բջջային հեռախոսների և պլանշետների միջոցով, նրանք չեն կարողանում տեսնել տարբերանշանն ամբողջությամբ: Ինչպես գրում է «Դեյլի Մեյլ»-ը, «Facebook»-ի դիզայները թվիթերյան էջում հրապարակել է տարբերանշանի վերջին մոդելը` գրելով. «Ասեք ողջույն «Facebook»-ի նոր տարբերանշանին»: Նա հավելել է, որ վերջնական փոփոխության մասին տեղեկությունը կհրապարակի շուտով: Փոխությունը հետևյալն է. կապույտ և սպիտակ երանգները մնացել են իրենց նույն տեղում, փոխվել է միայն «Facebook» բառի երկրորդ տառը` տպատառ a-ն փոխարինվել է ձեռագիր a-ով: Փոքր-ինչ փոփոխության ենթարկվել է նաև b տառը, որը հավելյալ մասնիկ է ստացել` և նմանվել տպագիր գրում հանդիպող ձևին: |