+19 °C, +16 °C ... +29 °C Վաղը`+29 °C
Գիտնականները բացահայտել են, որ սպերմատոզոիդների առաջխաղացման համար պատասխանատու են հարթ մկանների մեջ գտնվող 2 սպիտակուցները և դրանց արգելափակման շնորհիվ կարելի է կանխել անցանկալի հղիությունը։ Ուսումնասիրությունները ցույց են տվել, որ այդ սպիտակուցների բացակայությունը տղամարդկանց անպտղության պատճառ է դառնում, սակայն դա չի անդրադառնում սեռական կարողությունների վրա։ Ավստրիական Մոնաշ համալսարանի գիտնականները կարծում են, որ այդ բացահայտման վրա հիմնվելով` կարելի է հակաբեղմնավորիչ դեղահաբեր ստեղծել տղամարդկանց համար։ Այժմ կիրառվող հակաբեղմնավորիչ հաբերը, հորմոնալ համակարգի վրա ազդելով, բեղմնավորման համար անպիտան են դարձնում սերմնահեղուկը։ Բայց այդ հաբերը ազդում են տղամարդու սեռական կարողությունների վրա և կարող են անդառնալի հետևանքների պատճառ հանդիսանալ։ Հակաբեղմնավորիչ նոր հաբերը տղամարդուն անպտուղ կդարձնեն, բայց ոչ մի կերպ չեն ազդի նրա սեռական կարողությունների և սպերմատոզոիդների կենսունակության վրա։ Վերջինները կպահպանվեն, բայց կկորցնեն շարժունակությունը։ Այժմ գոյություն ունեցող դեղամիջոցը միայն 1 սպիտակուցի վրա ներգործելու հնարավորություն ունի։ Աշխատանքներ են տարվում 2 սպիտակուցների վրա ներգործող դեղամիջոց ստանալու նպատակով։ Փորձարկումների հաջողության դեպքում նոր դեղամիջոցը հասանելի կլինի 10 տարի հետո։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am