Պավել Մանուկյանի որդու՝ Արամ Մանուկյանի պաշտպան Ինեսա Պետրոսյանն ընդդեմ Հայաստանի Հանրապետության դիմում է ուղարկել ՄԻԵԴ: Այս մասին ֆեյսբուքյան իր էջում գրել է փաստաբան Կարեն Մեժլումյանը. «Քիչ առաջ ֆաքսով Մարդու իրավունքների եվրոպական դատարան ուղարկեցինք Արամ Պավելի Մանուկյանի պաշտպան Ինեսա Պետրոսյանի դիմումն ընդդեմ Հայաստանի Հանրապետության՝ անմարդկային և նվաստացնող վերաբերմունքի հատկանիշներով։ Շնորհակալություն Աննա Մարալյանին առավելագույն աջակցության համար։ Հուսանք առաջիկա օրերին ՄԻԵԴ արձագանքը կլսենք»: Ավելի վաղ հայտնել էինք, որ Ինեսա Պետրոսյանը պահանջում էր իր պաշտպանյալ Արամ Մանուկյանին «Դատապարտյալների հիվանդանոցից» տեղափոխել այլ բուժհաստատություն, քանի որ այստեղ նրան պահում են ոչ սանիտարական ու ոչ բավարար պայմաններում: |