Արմենպրես, 17.04.2012

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Հայաստանի Գնահատման եւ թեստավորման կենտրոնն ավարտել է միասնական եւ կենտրոնացված քննությունների հայտագրման գործընթացը եւ այժմ իրականացվում է տվյալների բազավորման փուլը: Ինչպես ապրլի 17-ին «Արմենպրես»-ի մամուլի սրահում կայացած ասուլիսի ժամանակ նշեց Գնահատման եւ թեստավորման կենտրոնի մամուլի խոսնակ Գայանե Մանուկյանը, այդ տվյալների համաձայն` կձեւավորվեն քննական կենտրոնները, եւ պատվիրվում են առարկայական թեստերը: 2012 թվականին հայաստանյան բուհերում սովորել ցանկացողների թիվը 18 հազար 129 է` ԼՂՀ-ն ներառյալ, այն դեպքում, երբ 2010 թվականին այդ ցուցանիշը կազմել է 17 հազար 656 դիմորդ: Ավելացել են դիմորդների թիվը Արցախում, Տավուշում եւ Սյունիքում:
Առավել մեծ պահանջարկ են սկսել վայելել «Կենսաբանություն» եւ «Քիմիա» առարկաները, փոքր-ինչ պակասել է հետաքրքրությունը «Ֆիզիկա», «Մաթեմատիկա» եւ «Հայոց պատմություն» առարկաների նկատմամբ:
«Հայոց լեզու եւ հայ գրականություն» առարկայից քննություն կհանձնեն 11 հազար 822 դիմորդ, իսկ «Մաթեմատիկա»-ից` 8 հազար 968 դիմորդ:

http://armenpress.am/arm/news/688210/hayastanum-dimordneri-tivn-atchel-e.html