Սիրված երգչուհի Լիլիթ Հովհաննիսյանն այս անգամ հանրությանն է ներկայացել իր առաջին ռեժիսորական աշխատանքով: Իր ֆեյսբուքյան էջում գրելով. «Սա իմ առաջին ռեժիսորական աշխատանքն է (հուսով եմ՝ վերջինը չի լինի) ։ Թանկագիններս, ձեր քննարկումներից ինձ համար պարզ կդառնա, թե ինչքանով եք հավանել իմ այս դեբյուտը... Հ.Գ. Խիստ չդատեք...»: Երգի հեղինակն է Վահրամ Պետրոսյանը: Սա մի աղջկա պատմություն է, ով օրերից մի օր եկավ Մեքսիկա, սիրահարվեց մի գեղեցիկ երիտասարդի ու նրա հետ մնաց Մեքսիկայում ընդմիշտ... Տեսահոլովակում Լիլիթ Հովհաննիսյանը տարբեր մեքսիկական հագուստներով է ներկայանում, ամեն ինչ արված է շատ պրոֆեսիոնալ ու գեղեցիկ, ամեն ինչ մեքսիկական է, ակներև է բարձրակարգ մասնագետների աշխատանքը թե՛ պարային հատվածներում, թե՛ հագուստերի ընտրության հարցում, թե՛ դերասանի վարպետության, իսկ երգի լավ կատարման, լավ ներկայացման ու ռեժիսորական այդ բարդ ու պատասխանատու, հաջողված աշխատանքի համար միայն պետք է մեծ գովեստներ հնչեցնել ու շնորհավորել երգչուհուն սքանչելի երգի ու տեսահոլովակի համար: |