USD 402.56, EUR 440.64, RUB 4.58, GBP 505.01
+21 °C, +17 °C ... +32 °C Վաղը`+33 °C
+21 °C, +17 °C ... +32 °C Վաղը`+33 °C
ՈԱԱԿ-ն ընդգրկվել է Որակի ապահովման եվրոպական գրանցամատյանում
14:06, 06.07.2017
3054 | 0
Մասնագիտական կրթության որակի ապահովման ազգային կենտրոնն (ՈԱԱԿ) ընդգրկվել է Բարձրագույն կրթության որակի ապահովման եվրոպական գրանցամատյանում (EQAR) ։ Բարձրագույն կրթության որակի ապահովման եվրոպական ցանցին (ENQA) անդամակցությունից հետո ՈԱԱԿ-ը դիմել էր՝ ընդգրկվելու Բարձրագույն կրթության որակի ապահովման եվրոպական գրանցամատյանում։ Գործընթացի շրջանակներում ՈԱԱԿ-ն եվրոպացի փորձագետների կողմից գնահատվել է Բարձրագույն կրթության եվրոպական տարածքում որակի ապահովման չափորոշիչներին և ուղենիշներին համապատասխանության տեսանկյունից և ընդգրկվել գրանցամատյանում 5 տարի ժամկետով՝ մինչև 2022 թվականը։ ՈԱԱԿ գրանցումն EQAR-ում հայաստանյան բարձրագույն կրթական համակարգն առավել տեսանելի է դարձնում միջազգային ասպարեզում։ Հայաստանում սովորել ցանկացող միջազգային ուսանողները կամ հայաստանյան բուհերի հետ համագործակցելու մտադրություն ունեցող կազմակերպությունները Որակի ապահովման եվրոպական գրանցամատյանի միջոցով կարող են ծանոթանալ ՈԱԱԿ-ի կողմից հավատարմագրված բուհերի արտաքին գնահատման արդյունքներին, փորձագիտական զեկույցներին և ըստ այդմ որոշում կայացնել։ Բարձրագույն կրթության որակի ապահովման եվրոպական գրանցամատյանը ցանց է, որը միավորում է Բարձրագույն կրթության եվրոպական տարածքում որակի ապահովման չափորոշիչներին և ուղենիշներին համապատասխան գործող որակի ապահովման գործակալությունները։ Նպատակն է հանրությանը տեղեկություն տրամադրել Եվրոպայում գործող վստահելի որակի ապահովման գործակալությունների և նրանց կողմից հավատարմագրված ուսումնական հաստատությունների մասին։ Այն ստեղծվել է 2008-ին Բարձրագույն կրթության որակի ապահովման եվրոպական ցանցի (ENQA), Ուսանողների եվրոպական միության (ESU), Համալսարանների եվրոպական ասոցիացիայի (EUA) և Բարձրագույն կրթական հաստատությունների եվրոպական ասոցիացիայի (EURASHE) նախաձեռնությամբ։ Ներկայում եվրոպական գրանցամատյանում ընդգրկված է որակի ապահովման 47 գործակալություն։ |
Մամուլի խոսնակ` Մասնագիտական կրթության որակի ապահովման ազգային կենտրոն
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Մասնագիտական կրթության որակի ապահովման ազգային կենտրոն
11:54, 30.11.2023
505 | 0
16:01, 07.09.2023
912 | 0
10:18, 16.12.2020
3812 | 0
14:05, 30.11.2020
3191 | 0
13:25, 24.11.2020
2543 | 0
13:13, 02.11.2020
2488 | 0
15:48, 24.06.2020
3543 | 0
10:51, 17.12.2019
3064 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: