Սիրելի ուսանողներ, սիրելի դասախոսներ, շնորհավորում եմ Գիտելիքի օրվա առթիվ։ Երկրի զարգացումն այսօր բոլորն, առավել քան երբևէ, պայմանավորում են կրթությամբ։ Նախորդ կիսամյակը մարտահրավեր էր մեր կրթական համակարգի համար։ Լուծումն ինքնին ի հայտ եկավ, և այլևս անհնար է ամբողջական վերադարձը դասավանդման և ուսուցման ավանդական մոտեցումներին։ Ուսուցումն ինքնին պահանջում է առավել ուսանողակենտրոնություն։ Դա ժամանակի թելադրանքն է։ Ներկայում մենք հատում ենք այդ ռուբիկոնը։ Ժամանակն է միասին փնտրելու կրթության կազմակերպման արդյունավետ ձևեր՝ այսօրվա պայմաններին համապատասխան։ Բոլորիս համբերություն, համառություն և հանդուրժողականություն նորը փնտրելու ճանապարհին։ Եվս մեկ անգամ՝ շնորհավոր Սեպտեմբերի 1։ Բարի երթ բոլորիդ նոր ուսումնական տարում։ Ռուբեն Թոփչյան Մասնագիտական կրթության որակի ապահովման ազգային կենտրոնի տնօրեն
|