ՀԱՅԱՍՏԱՆ
Սա իմ երկիրն է-չափերով այնպիսին-
որ կարող եմ վերցնել հետս, թե մի հեռու տեղ գնամ:
Փոքրիկ՝ ինչպես ծերացած մայր,
Փոքրիկ՝ ինչպես նորածին զավակ
իսկ քարտեզի վրա
ընդամենը արցունքի մի կաթիլ…
Սա իմ երկիրն է – չափերով այնպիսին,
որ ազատորեն տեղավորել եմ սրտիս մեջ,
որ չկորցնեմ հանկարծ…
20.03.2018թ. Հերթական բաց դասն էր Կապանի N13 հիմնական դպրոցում: Դասն այս անգամ մայրենիից էր VIբ դասարանում: Ուսուցչուհի Ռուզաննա Մելումյանին հաջողվեց «Իմ երկրի ոստանները» ուսումնական նյութը լրացնել պատմական փաստերով ՝ խորացնելով հայրենի ոստանների մասին պատմական գիտելիքներն ու հիշողությունները:
Սահիկահանդեսի միջոցով ներկայացվեց ոստանների պատմությունը, «գուշակիր մայրաքաղաքը» խաղի միջոցով գուշակեցին մայրաքաղաքները, ցույց տվեցին դրանց տեղը քարտեզի վրա:
Աշակերտներն ակտիվորեն մասնակցում էին դասին: Ուսուցչուհին դասը վարեց նոր տեխնոլոգիաների կիրառմամբ, ինչի շնորհիվ աշակերտները նյութը յուրացնում էին առանց մեծ ջանքեր գործադրելու և առանց ավելորդ լարվածության: Տեղեկատվական ու հաղորդակցական տեխնոլոգիաների գործածությունն ուսման գործընթացում նպաստում է աշակերտների մոտիվացիայի աճին: Բացի նրանից, որ ՏՀՏ-ի գործածությամբ հնարավոր է ավելի հարուստ, բազմերանգ ու դինամիկ ուսումնական նյութ ստեղծել և օգտագործել, դրա միջոցով նաև կարող ենք ուսումնական բովանդակությունը դարձնել ինտերակտիվ:
Նման բաց դասերը խթան կհանդիսանան հայեցի դաստիարակության համար, հետևաբար նպատակը իրականացված է, արդյունքը՝ գերազանց:
ՄԿԱ գծով փոխտնօրեն Ժաննա Վարդանյան