USD 402.56, EUR 440.64, RUB 4.58, GBP 505.01
+30 °C, +16 °C ... +30 °C Վաղը`+29 °C
+30 °C, +16 °C ... +30 °C Վաղը`+29 °C
«Երևանյան ամառ 2018». ամփոփվել են «Հնչում է Երևանը» երաժշտական փառատոնի արդյունքները
16:59, 22.06.2018
2512 | 0
«Երևանյան ամառ 2018» եռամսյա միջոցառումների շրջանակում Երևանի Առնո Բաբաջանյան համերգասրահում տեղի է ունեցել Երևանի քաղաքապետարանի ենթակայության երաժշտական և արվեստի դպրոցների 11-րդ փառատոնի եզրափակիչ համերգը: Լավագույն տասնյակը գլխավորել է Ալեքսանդր Սպենդիարյանի անվան երաժշտական դպրոցը, որը փառատոնի 1-ին հորիզոնականը զբաղեցնում է արդեն 6-րդ տարին անընդմեջ: Երկրորդ և երրորդ հորիզոնականները գրավել են Ստ. Ջրբաշյանի անվան երաժշտական և Ղ. Սարյանի անվան արվեստի դպրոցները: «Տարվա հայտնություն» անվանակարգում հաղթող է ճանաչվել Գ. Բուդաղյանի անվան արվեստի դպրոցի դաշնակահար Հայկ Ջուլհակյանը: Առաջին երեք հորիզոնականները զբաղեցրած դպրոցներին Երևանի քաղաքապետի պատվոգրեր և խորհրդանշական արձանիկ-մրցանակներ է հանձնել Երևանի քաղաքապետարանի աշխատակազմի մշակույթի վարչության պետ Ռուբեն Հովհաննիսյանը: Նշենք, որ դպրոցները պայքարել են 10 անվանակարգերում՝ դաշնամուր, լարային, հարվածային, փողային գործիքներ, ազգային նվագարաններ, մեներգեցողություն, երգչախումբ, դասական համույթներ, սոլֆեջիո-թելադրություն և երաժշտական գրականություն: Հիշեցնենք, որ «Հնչում է Երևանը» փառատոնն անցկացվում է 2007 թվականից և արդեն վեց տարի է, ինչ ընդգրկված է քաղաքապետարանի «Երևանյան ամառ» եռամսյա միջոցառումների ծրագրում: |
Հեղինակ` Yerevan info
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Yerevan info
17:00, 03.08.2018
6051 | 0
13:47, 03.08.2018
5909 | 0
15:43, 23.07.2018
5668 | 0
13:23, 17.07.2018
5151 | 0
14:07, 16.07.2018
5867 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: