Հանդիսատեսի ծափերից բացի,
Աստված դիտորդ է, այն էլ խելացի,
Անորոշության ցանկացած վարկած
Որոշակի է՝ փորձով հաստատված։
Քանի կարդում ես առաջին տունը,
Այս մոլոր ակն իր պտույտը նորեց,
Անհրապույր է ամբոխի գույնը,
Դեռ անցյալ օրը խանդավառ մարեց։
Բեմի վրա են գեղազարդ դեկոր
Սիս ու Մասիսի ձյունի պես անխառ,
Ճերմակը մութի բզկտված բեկոր,
Շողքի վրա է ծմակը անտառ։
Այս պատահմունքի ավարտը նույնն է,
Վարագույրներն են հուզմունքս ծածկում,
Մահտարաժամի թագի մեջ թույն է,
Հարավային է բևեռը ցածում։