USD 402.56, EUR 440.64, RUB 4.58, GBP 505.01
+26 °C, +16 °C ... +28 °C Tomorrow:+28 °C
+26 °C, +16 °C ... +28 °C Tomorrow:+28 °C
Առաջնորդենք փոփոխությունները՝ վերածելով հաջողության վեկտորների․ ՈԱԱԿ տնօրեն Ռուբեն Թոփչյանի ուղերձը Գիտելիքի օրվա առթիվ
10:26, 01.09.2023
1179 | 0
Հարգելի դասախոսներ, ուսանողներ, ծնողներ, Սեպտեմբերի 1-ը՝ Գիտելիքի օրը, լոկ օրացուցային օր չէ։ Այն առիթ է մտորելու ապագայի մասին, վերահաստատելու մնայուն արժեքները և ուղենշելու առկա մարտահրավերների լուծումները։ Ներկայումս դասական և նորարար կրթական մոդելների խաչմերուկում ենք և կարիք ունենք կողմնացույցի, որը մեզ կառաջնորդի ևս մեկ ուսումնական տարվա ընթացքում: Արագ, խաբուսիկ և հեշտ լուծումներով լեցուն աշխարհում կարող է թվալ, որ երիտասարդները հետաքրքրված չեն կրթությամբ։ Մինչդեռ իրականում ավելի ու ավելի շատ մարդ է ցանկանում սովորել՝ համատեղելով կրթությունը դինամիկ աշխարհի պահանջներին: Ուսանողներն այսօր կրթվելու, մասնագիտանալու այլընտրանքային ուղիներ են փնտրում։ Սովորել ցանկացողների մի մասը դասական տեսական կրթությունը փոխարինում է մասնագիտություն ձեռքբերելու արագ ճանապարհով։ Նրանք ցանկանում են խնայել ժամանակ, ռեսուրսներ․․․ նրանք ցանկանում են սովորել ավելի ճկուն կրթական մոդելում՝ համատեղելով աշխատանքը կրթության հետ։ Մեր պարտականությունը պարզ է՝ լսել, հասկանալ և լուծումներ առաջարկել։ Եկեք ընդառաջ գնանք երիտասարդներին, գնահատենք նրանց կարիքները, մասնակից լինենք նրանց՝ մասնագետ դառնալու երազանքի իրականացմանը, անհրաժետության դեպքում փոխելով կրթության կազմակերպման ձևերը․ տեսական դասախոսությունները՝ մասնագիտական հմտություններ ձևավորող գործողություններով, առավոտվա դասախոսությունները՝ երեկոյան հանձնարարվող պրակտիկ առաջադրանքներով։ Այս դարաշրջանի կոչն է ոչ թե դիմակայել փոփոխություններին, այլ առաջնորդել դրանք՝ վերածելով հաջողության վեկտորների։ Լինենք միասնական մտքով, գործով, տեսլականով՝ ավելի լավը դարձնելով աշխարհն ու ապագան։ Թող այս ուսումնական տարին լինի ոգեշնչման, համագործակցության և համատեղ ձեռքբերումների տարի: Շնորհավոր սեպտեմբերի 1։ |
Spokesperson: Մասնագիտական կրթության որակի ապահովման ազգային կենտրոն
The article published in the Spokesperson project.
Share with friends
Մասնագիտական կրթության որակի ապահովման ազգային կենտրոն
11:54, 30.11.2023
394 | 0
16:01, 07.09.2023
813 | 0
10:18, 16.12.2020
3615 | 0
14:05, 30.11.2020
3023 | 0
13:25, 24.11.2020
2456 | 0
13:13, 02.11.2020
2400 | 0
15:48, 24.06.2020
3435 | 0
10:51, 17.12.2019
2985 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.