USD 402.56, EUR 440.64, RUB 4.58, GBP 505.01
+25 °C, +16 °C ... +28 °C Tomorrow:+28 °C
+25 °C, +16 °C ... +28 °C Tomorrow:+28 °C
Օնլայն դասընթացների մրցունակության գրավականը որակի հավաստումն է. Ռուբեն Թոփչյան
16:01, 07.09.2023
812 | 0
Միկրոորակավորում շնորհող օնլայն դասընթացների որակի ապահովումը դրանց մրցունակության և ուսանողների կողմից վստահության արժանանալու երաշխիքն է: Թվային միջավայրում ևս պետք է որակի ապահովման գործիքներ կիրառվեն, և բուհերը պետք է պատրաստ լինեն հավաստել օնլայն դասընթացների որակը: Այս մասին սեպտեմբերի 6-ին Հայաստանի ազգային պոլիտեխնիկական համալսարանում տեղի ունեցած Էրազմուս+ «ՄԵԴԻԱ» ծրագրի համաժողովի ժամանակ հայտարարեց Մասնագիտական կրթության որակի ապահովման ազգային կենտրոնի տնօրեն Ռուբեն Թոփչյանը: Նա վարում էր «Ընդլայնելով կրթության հնարավորությունները թվային միջավայրում. գործընկեր երկրների լավագույն փորձը» խորագրով պանելային քննարկումը: Քննարկման ժամանակ նախագծի գործընկերները Մոլդովայից, Ֆինլանդիայից, Գերմանիայից, Հայաստանից նշեցին, որ բուհերը կարիք ունեն հարմարվելու նոր միտումներին, հաշվի առնել սովորողների և գործատուների կարիքները և միկրոորակավորում շնորհող կարճաժամկետ ծրագրեր իրականացնել թվային միջավայրում: Դրանք հնարավորություն կտան մասնագետներին ձեռք բերել լրացուցիչ մասնագիտական կարողություններ և հմտություններ: Ռուբեն Թոփչյանը կարևորեց, որ կարճաժամկետ օնլայն ծրագրեր իրականացնելիս բուհերը չտրվեն հեշտ լուծումներին և պահպանեն իրենց բրենդի համբավը. հեշտ լուծումները կապահովեն ուսանողների կարճաժամկետ հոսք, մինչդեռ գործատուների հետ համագործակցությամբ և որակի ապահովման շրջափուլի կիրառմամբ իրականացվող ծրագրերը երկարաժամկետ արդյունքներ կապահովեն: Պարոն Թոփչյանը ծրագրի մասնակիցներին որպես գործատուների հետ համագործակցության միջոց առաջարկեց կիրառել ՏԵՄՊՈՒՍ-ի «ԱՐԱՐԱՏ» ծրագրի շրջանակում ՈԱԱԿ-ի կողմից մշակված և փորձարկված մոդելը. այն ենթադրում է միջնորդավորված շփում գործատուի և դասախոսի միջև, ինչը հնարավորություն կտա կենտրոնանալ հենց գործատուի պահանջների վրա: Կարևորվեց նաև, որ միկրոորակավորում շնորհող ծրագրերը լինեն հնարավորինս պրակտիկ: «Դասախոսը նյութը պետք է ներկայացնի ոչ թե որպես գիտելիք, այլ որպես հմտություն, որով ուսանողը խնդիրներ է լուծելու: Ի վերջո, ուսանողը միկրոորակավորում շնորհող դասընթացը նախընտրում է կոնկրետ խնդիրներ լուծել սովորելու համար», - ասաց պարոն Թոփչյանը: «ՄԵԴԻԱ» (Օնլայն կրթության որակի բարելավում Հայաստանի և Մոլդովայի բուհերում) նախագիծն իրականացվում է Էրազմուս + և ԵՄ ֆինանսավորմամբ: Նպատակն է շահակից երկրներում մշակել օնլայն կրթության որակի բարելավման շրջանակ և մշակել օնլայն կարճաժամկետ կրթական ծրագրեր, որոնք կհամապատասխանեն պետական պահանջներին և կլինեն հավատարմագրված: |
Spokesperson: Մասնագիտական կրթության որակի ապահովման ազգային կենտրոն
The article published in the Spokesperson project.
Share with friends
Մասնագիտական կրթության որակի ապահովման ազգային կենտրոն
11:54, 30.11.2023
392 | 0
16:01, 07.09.2023
813 | 0
10:18, 16.12.2020
3615 | 0
14:05, 30.11.2020
3023 | 0
13:25, 24.11.2020
2456 | 0
13:13, 02.11.2020
2400 | 0
15:48, 24.06.2020
3435 | 0
10:51, 17.12.2019
2985 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.