+22 °C, +18 °C ... +31 °C Վաղը`+28 °C
Ներկայում ԱՄՆ-ն հավելյալ զորք է տեղակայում Մերձավոր Արևելքում, ասել է Փենթագոնի խոսնակ Փաթրիք Ռայդերը։ «Մոտ 900 զինվորականներ տեղակայվել են կամ գտնվում են ԱՄՆ կենտրոնական հրամանատարության պատասխանատվության գոտում»,- ասել է նա։ Ավելի վաղ հաղորդվում էր, որ հազարավոր ամերիկացի ծովային հետևակայիններ իջել են Իսրայել։ Հայտնի է դարձել նաև, որ ԱՄՆ-ն Մերձավոր Արևելքում տեղակայելու է հրթիռային և հակաօդային պաշտպանության համակարգեր՝ THAAD համակարգերի մարտկոց, ինչպես նաև լրացուցիչ Patriot համակարգեր։ Փենթագոնի ղեկավար Լլոյդ Օսթինը հաստատել է հարվածային խմբի ուղարկումը Միջերկրական ծովի արևելյան հատված, այն կգլխավորի USS Eisenhower ավիակիրը։ Ավելի վաղ Միջերկրական ծովի արևելյան շրջան է ժամանել մեկ այլ հարվածային խումբ՝ «Ջերալդ Ֆորդ» ավիակիրի գլխավորությամբ։ Միացյալ Նահանգները հայտարարել է, որ տարածաշրջանում ամերիկյան ներկայության ուժեղացման նպատակն է «երրորդ կողմերին զսպել Իսրայելի շուրջ սրացումն ընդլայնելուց»։ Միաժամանակ նշվել է, որ ԱՄՆ-ն մտադիր չէ կռվել Իսրայելի կողմից, և չկան ամերիկյան ուժերի մասնակցության պլաններ պատանդ պահվող ԱՄՆ քաղաքացիների ազատագրման գործողություններին։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am