Իսրայելի պաշտպանության բանակը` ՑԱԽԱԼ-ը, պատմության մեջ առաջին անգամ տիեզերքում խոցել է բալիստիկ հրթիռը, որը արձակվել էր Եմենից։ Այս մասին հայտնում է Telegraph թերթը։

«Իսրայելն այս շաբաթ օգտագործեց Arrow հակահրթիռային պաշտպանության համակարգը՝ Երկրի մթնոլորտից դուրս բալիստիկ հրթիռ խոցելու համար, որը համարվում է տիեզերքում առաջին մարտը», - ասվում է հոդվածում: The Telegraph-ը գրում է նաև, որ Arrow-ն առաջին անգամ խոցել է թիրախը, որը թռչելիս է եղել մեծ արագությամբ, մեծ բարձրության վրա և մեծ հեռահարության վրա։ Հրթիռային պաշտպանության այս համակարգը մշակվել է Իսրայելի և ԱՄՆ-ի հետ համատեղ։

Եմենը Մերձավոր Արևելքում պատերազմի մեջ մտավ հոկտեմբերի 31-ին։ Երկիրը ռմբակոծում է Իսրայելը՝ միաժամանակ աջակցելով պաղեստինյան ՀԱՄԱՍ շարժմանը։

Լիբանանյան Հեզբոլլահ շարժումը նույնպես անուղղակիորեն ներգրավված է հակամարտությունում, ասում է Երուսաղեմի ռազմավարության և անվտանգության ինստիտուտի (JISS) նախագահ, պրոֆեսոր Էֆրեմ Ինբարը: Ներկայում Իսրայելի պաշտպանության բանակը ցամաքային գործողություն է իրականացնում Գազայի հատվածում։ Զինվորականներն արդեն մուտք են ստացել ստորգետնյա թունելներ, գրում է RT-ն։ Այսպիսով, երկիրը կարողացավ վերահսկել Գազայի տարածքի մեծ մասը։