Ֆրանսիայի պաշտպանության նախարար Սեբաստիեն Լըքորնյուն հայտարարել է, որ Ֆրանսիան տասնյակ զրահատեխնիկա կուղարկի լիբանանյան բանակին՝ պատշաճ հսկողություն իրականացնելու համար։ L’Orient Le Jour թերթի հետ զրույցում Լըքորնյուն ասել է, որ լիբանանյան բանակի հզորացումը կարևոր է ու պետք է համակարգվի ՄԱԿ-ի խաղաղապահ ուժերի հետ, քանի որ Իսրայելի և Հըզբոլլահի միջև լարվածությունը սրվում է։

«Ծրագրվում է նաև բժշկական պարագաներ գնել լիբանանյան բանակի համար»,- ասել է նախարարը՝ հավելելով, որ լիբանանյան բանակին շուտով կտրամադրվեն մի քանի տասնյակ զրահամեքենաներ: