Կառավարության նիստից հետո ԿԳՄՍ նախարար Ժաննա Անդրեասյանը պատասխանելով լրագրողների հարցերին, թե արդյոք տեղյա՞կ է, որ Ֆիզիկական կուլտուրայի և սպորտի պետական ինստիտուտի ռեկտորը դասախոսներին ազատում է աշխատանքից, ինչպես նաև դատարան է դիմել՝ ուսխորհրդի նախագահին դատի տալու համար, ասել է․ «Իհարկե ինստիտուտում կատարվող իրավիճակը շատ մտահոգիչ է մեզ համար։ Իմ տեղեկություններով, առաջիկայում հոգաբարձուների խորհրդի նիստ է հրավիրվելու, որի ընթացքում քննարկվելու է ստեղծված իրավիճակը։ Կարծում եմ, որ այնտեղ կան բազմաթիվ հարցեր և, առաջին հերթին, պետք է ստանալ ամբողջական տեղեկատվություն ու պարզաբանումներ, թե ինչ է տեղի ունենում։ Դա ամբողջությամբ հոգաբարձուների խորհրդի իրավասության շրջանակներում է։ Առաջիկայում նիստ կլինի և բոլոր հարցերը կքննարկվեն»։