ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+27 °C, +19 °C ... +30 °C Վաղը`+33 °C
«Ամեն օր ինձ մեղադրում են Պուտինի «պեշկա» լինելու մեջ»․ Վուչիչ
11:48, 25.06.2024 | mamul.am
2687 | 0

Տարածաշրջանային և տեղական մի շարք լրատվամիջոցներում ամեն օր ինձ մեղադրում են Պուտինի «պեշկա» լինելու մեջ։ Այս մասին հայտարարել է Սերբիայի նախագահ Ալեքսանդր Վուչիչը:

«Արդեն 2,5 տարի է՝ լսում եմ, որ ես Պուտինի «պեշկան» եմ, ում հրամանով պատերազմ կարող եմ սկսել տարածաշրջանում, ով ինձ հենց այնպես չէ շքանշանով պարգևատրել, և որ ես ամեն ինչ անում եմ՝ նրա հետ համաձայնեցնելով։ Իսկ հետո կարդում ենք, որ Վուչիչը ոչ թե Ուկրաինային է զենք վաճառել, այլ՝ Իսպանիային, Բելգիային, Չեխիային, Աստված գիտի՝ էլ ում, իսկ այդ զենքի մի մասը հայտնվել է Ուկրաինայում։ Դրա համար ես պետք է արդարանա՞մ։ Ընդ որում, մենք զենք չենք արտահանում, միայն՝ Ադրբեջան, Կիպրոս և ԱՄԷ։ Այլևս ոչ մեկի հետ զենքի պայմանագրեր չունենք։ Պաշտպանական

արդյունաբերության զարգացումից հրաժարվելով՝ կարելի է ոչնչացնել սեփական հողը, արդյունաբերության աշխատողները կմնան առանց եկամուտների և կսկսվեն բողոքի ցույցեր ու գործադուլներ»,- ասել է Վուչիչը։

Կիսվի՛ր այս նյութով՝
դեպի վեր