+17 °C, +16 °C ... +28 °C Վաղը`+29 °C
Ադրբեջանի և Հայաստանի միջև խաղաղ համաձայնության հասնելու պատմական հնարավորություն է ստեղծվել, հայտարարել է Ադրբեջանում ԱՄՆ դեսպան Մարք Լիբբին՝ ելույթ ունենալով ԱՄՆ Անկախության օրվան նվիրված միջոցառմանը: Նրա խոսքով՝ երկու երկրների միջև գործընկերությունը հրաշալի պատմություն ունի։ «Այն պահից ի վեր, երբ Ադրբեջանը վերագտավ իր անկախությունը, Միացյալ Նահանգներն ավելի քան 1 միլիարդ դոլար է տրամադրել կրթությունն ու տնտեսական զարգացումն ամրապնդելու, հակամարտությունից տուժած տեղահանվածներին օգնելու և երկիրը մահացու ականներից մաքրելու համար: Մենք հետաքրքրված ենք ապագային միտված գործընկերությամբ: Մենք Ադրբեջանին և տարածաշրջանին մաղթում ենք խաղաղություն, առաջընթաց և անվտանգություն ապահովող ավելի խորը ապագա գործընկերություն: Միևնույն ժամանակ, Ադրբեջանն ու Հայաստանը սկսել են սահմանազատումը, բանակցություններ են վարել ձերբակալվածների փոխանակման շուրջ և հասկացրել, որ նրանք ավելի մոտ են, քան երբևէ, խաղաղության համաձայնագրի ստորագրմանը: Միացյալ Նահանգները նույնպես կարծում է, որ այս հրաշալի քայլերը հնարավորությունների պատմական պատուհան են բացել»,-ասել է դեսպանը: Մարկ Լիբբիի խոսքով՝ ԱՄՆ-ն կարծում է, որ Հայաստանի հետ խաղաղության համաձայնագիրը կստեղծի աննախադեպ կայունություն, դուռ կբացի առևտրային և գործնական համագործակցության համար, որից կշահեն Ադրբեջանն ու տարածաշրջանը: Դեսպանը նաև ընդգծել է, որ Միացյալ Նահանգները շարունակելու է կողմերին դրդել օգտվել այդ հնարավորությունից և անելու է հնարավորը նրանց աջակցելու համար: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am