ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
-4 °C, -4 °C ... +5 °C Վաղը`+6 °C
Մենք ոչ թե քաղաքական խաղ ենք խաղում, այլ մանկական նեղացվածություն՝ թողնելով, որ մեր ճակատագիրը վճռեն ուրիշները
10:58, 12.10.2023
796 | 0
Ադրբեջանը և Թուրքիան, լինելով Ռուսաստանի հակառակորդները մեր տարածաշրջանում, ամեն ինչ անում են, որպեսզի մեծ կայսրության հնարավոր հակազդեցությունը իրենց վրա չեզոքացնեն ...

Այսօր ԱՊՀ գագաթնաժողովի շրջանակներում Բիշքեքում կհանդիպեն ՌԴ նախագահ Վ. Պուտինը և Ադրբեջանի նախագահ Ի. Ալիևը։
Հանդիպմանը, բնականաբար, կքննարկվի մեր ու տարածաշրջանի ապագան։
ԱՊՀ գագաթնաժողովին չի մեկնելու Հայաստանի դե-ֆակտո ղեկավարը, որովհետև բոյկոտում է Ռուսաստանին «ունի այլ կարևոր գործեր» ։
Սա շատ ուսանելի օրինակ է, թե ինչու է մեզ մոտ ամեն ինչ վատ, իսկ թուրքական կողմում ամեն բան ստացվում։ Բացատրեմ։
Ադրբեջանը և Թուրքիան, լինելով Ռուսաստանի հակառակորդները մեր տարածաշրջանում, ամեն ինչ անում են, որպեսզի մեծ կայսրության հնարավոր հակազդեցությունը իրենց վրա չեզոքացնեն (եթե կուզեք՝ «փափուկ բարձ դնեն») ։ Իսկ դրա համար անհրաժեշտ է հետևողական լոբիստական, քաղաքական, դիվանագիտական աշխատանք, ինչը շատ հմտորեն անում են Թուրքիան և Ադրբեջանը։ Սա անելով են ստանում, օրինակ, չեզոքություն պատերազմի ժամանակ կամ ԵՄ հետ հարաբերությունների հարցում։ Անում են ու ստանում են արդյունք։
Ու կստանան նաև Բիշքեքյան հանդիպումից։
Իսկ մենք ոչ թե քաղաքական խաղ ենք խաղում, այլ մանկական նեղացվածություն՝ թողնելով, որ մեր ճակատագիրը վճռեն ուրիշները։ Մինչդեռ կարելի էր գործադրել բոլոր ջանքերը՝ նույնիսկ մեր դեմ աշխատող քաղաքական հետագիծը փոխելու համար։ Իսկ դրա համար գոնե պետք է գնալ հանդիպումների, ոչ թե գրանադական համերգի։
***
Բոլոր կարևոր և ստուգված նորությունները ես հրապարակում եմ իմ թելեգրամում, բաժանորդագրվե՛ք՝ t.me/varuzhandragoman

Վարուժան Գեղամյան




Հեղինակ` Arsi Gaspar Journalist
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Arsi Gaspar Journalist
դեպի վեր