Երեկ ապրիլի 24-ին Արմավիրի մարզի Արմավիր գյուղի երիտասարդները լռության երթ և մոմավառություն էին կազմակերպել: Գյուղի մշակույթի տան մոտից երթի մասնակիցներին միացան անցորդներ և համագյուղացիներ: Մեքենաների ուղեկցությամբ մասնակիցները ուղևորվեցին դեպի գյուղի միջնակարգ դպրոց, որի բակում օրեր առաջ տեղադրվել էր Եղեռնի զոհերի հիշատակը հավերժացնող խաչքար, (հեղինակը դպրոցի նախկին շրջանավարտներից էր): Չնայած հորդառատ անձրևին` մասնակիցները ծաղիկներ դրեցին խաչքարին և մոմեր վառեցին: Իսկ 19.15- ին, խորհրդանշելով 1915 թվականը -, մասնակիցներով ասեցին Տերունական աղոթքը, այնուհետև մեկ րոպե լռությամբ հարգեցին անմեղ նահատակների հիշատակը: |