«Երևանյան ամառ» ծրագրի շրջանակներում Նոր Նորք վարչական շրջանի 4-րդ զանգվածի Թումանյանի անվան այգում կազմակերպվել էր հերթական տոնական ուշագրավ նախաձեռնությունը: Նախքան միջոցառման մեկնարկը Նոր Նորք վարչական շրջանի ղեկավար Արմեն Ուլիխանյանի աջակցությամբ բոլոր երեխաներին բաժանվեց քաղցրավենիք:
Նոր Նորքի ճամբարականներին իր յուրօրինակ ողջույնն էր բերել Կապանի «Տիկնիկ» մանկական տիկնիկային թատրոնը «Սասունցի Դավիթ» բեմադրությամբ:
Թատրոնը հանրապետությունում կարելի է եզակիներից մեկը համարել: Այն ոչ միայն տիկնինիկների քանակով է հարուստ, այլև այստեղ աշխատում են հատուկ կարիքավոր երիտասարդներ, ովքեր թատրոնի անձնակազմի մեկ երրորդ մասն են:
«Սասունցի Դավիթ» տիկնիկային ներկայացումը ջերմ ընդունելության արժանացավ Նոր Նորքի հանդիսատեսի կողմից՝ դառնալով Երևանյան ամառվա մի գեղեցիկ հուշ:
Նկարները՝
այստեղ Տեսանյութը՝
այստեղ