USD 402.56, EUR 440.64, RUB 4.58, GBP 505.01
+29 °C, +16 °C ... +29 °C Վաղը`+29 °C
+29 °C, +16 °C ... +29 °C Վաղը`+29 °C
Հաշվետու համերգ Նոր Նորքի երաժշտական դպրոցում
16:24, 04.06.2018
5836 | 0
Նոր Նորք վարչական շրջանի Ս. Ասլամազյանի անվան հ.1 երաժշտական դպրոցում մայիսի 30-ին կազմակերպվել է հաշվետու համերգ՝ նվիրված Երևանի հիմնադրման 2800-ամյակին: Յուրաքանչյուր հաշվետվություն նախ կատարած աշխատանքների հանրագումարն է, որի ընթացքում արժևորվում ու վերլուծվում է անցած ճանապարհը, ինչպես նաև նախանշվում են ապագայի անելիքներն ու զարգացման հեռանկարները: Ս. Ասլամազյանի անվան հ.1 երաժշտական դպրոցի հաշվետու համերգը մեկնարկել է անցնող տարվա ընթացքում դպրոցի գրանցած հաջողությունների, կատարած աշխատանքների ներկայացմամբ, այնուհետև տարբեր բաժինների շնորհալի սաները հանդիսատեսին են ներկայացել իրենց գեղեցիկ երաժշտական կատարումներով՝ ամբողջացնելով օրվա տոնական տրամադրությունն ու խորհուրդը: Միջոցառմանը մասնակցել են երևանի քաղաքապետարանի աշխատակազմի մշակույթի վարչության մշակույթի բաժնի գլխավոր մասնագետ Արամ Գյուրջյանը, Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի պետ Հեղինե Կարապետյանը, մանկավարժներ, ծնողներ և այլ հյուրեր: Բարձր գնահատելով համերգային ծրագրի ընթացքում ելույթ ունեցող երեխաների և տարբեր համույթների կատարողականությունը՝ հյուրերը դպրոցին մաղթել են նորանոր հաջողություններ և սաներով հպարտանալու բազում առիթներ: Նկարները` այստեղ Տեսանյութերը` այստեղ |
Մամուլի խոսնակ` Նոր Նորք վարչական շրջան
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Նոր Նորք վարչական շրջան
13:09, 06.03.2018
4802 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: