ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+18 °C, +7 °C ... +19 °C Վաղը`+21 °C
Համերգային ծրագիր` նվիրված Ս. Ասլամազյանի 120-ամյակին
23:47, 31.05.2017
3724 | 0
Մայիսի 31-ին Հայաստանի Ազգային գրադարանում Սարգիս Ասլամազյանի անվան հ.1 երաժշտական դպրոցի սաները ներկայացել են համերգային ծրագրով և նկարչական աշխատանքների ցուցադրությամբ` նվիրված մեծ երաժիշտ Սարգիս Ասլամազյանի 120-ամյակին: Սարգիս Զաքարի Ասլամազյանը Կոմիտասի անվան քառյակի համահիմնադիր-անդամներից է, հիանալի թավջութակահար-մանկավարժ, անսամբլային գործի հմուտ վարպետ և կոմպոզիտոր, Մոսկվայի համալսարանի պրոֆեսոր, Հայաստանի արվեստի վաստակավոր գործիչ, ժողովրդական արտիստ: Մեծ երաժշտի հոբելյանին նվիրված միջոցառմանը մասնակցել են Երևանի քաղաքապետի տեղակալ Արամ Սուքիասյանը, Նոր Նորք վարչական շրջանի ղեկավար Արմեն Ուլիխանյանը, Երևանի քաղաքապետարանի աշխատակազմի տուրիզմի և մշակույթի վարչության պետ Ռուբեն Հովհաննիսյանը, կրթության, մշակույթի ոլորտի ներկայացուցիչներ, մանկավարժներ և ծնողներ: Տարիներ շարունակ պատվախնդրորեն կրելով հայ անվանի երաժշտի անունը` Սարգիս Ասլամազյանի անվան հ.1 երաժշտական դպրոցը նվիրյալ առաքելություն է ստանձնել` կրթամշակութային բարձր արժեքներով կրթել նոր սերնդին, սերմանել լավագույն արժեքներն ու որակները: Շնորհավորում ենք կրթօջախին մեծանուն թավջութակահար Սարգիս Ասլամազյանի 120-ամյա հոբելյանի կապակցությամբ և մաղթում լուսավոր վերելքներ արվեստի ու երաժշտության աշխարհում:
Նկարները՝ այստեղ
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Նոր Նորք վարչական շրջան
դեպի վեր