Երևանի քաղաքապետ Տարոն Մարգարյանի նախաձեռնությամբ Երևանի վարչական շրջանների և ԼՂՀ շրջանների միջև ձևավորված համագործակցության շրջանակներում կյանքի են կոչվում բազմաթիվ ծրագրեր: Այս համատեքստում Նոր Նորք վարչական շրջանը ևս իրականացնում է բազմաբնույթ նախաձեռնություններ: Այս նպատակով Նոր Նորք վարչական շրջանում էր հյուրընկալվել Քաշաթաղի շրջանի պատվիրակությունը ԼՂՀ Քաշաթաղի շրջանի վարչակազմի կրթության, սպորտի բաժնի վարիչ Վարդուշ Մովսիսյանի գլխավորությամբ: Հանդիպման ընթացքում քննարկվել են ձևավորված համագործակցության շրջանակներում իրականացվող աշխատանքների վերաբերյալ մի շարք հարցեր: Նոր Նորք վարչական շրջանի ղեկավար Արմեն Ուլիխանյանի աջակցությամբ պատվիրակությանն են փոխանցվել դպրոցական պայուսակներ՝ գրենական պիտույքների լրակազմով: |