Այսօր` մայիսի 20-ին ժամը 18: 30-ին, մայրաքաղաք Երևանի Սուրբ Գրիգոր Լուսավորիչ Մայր Եկեղեցում մեկնարկեց «Խոկման» արարողությունը: Արարողության ընթացքում քարոզեց Սուրբ Գրիգոր Լուսավորիչ Մայր Եկեղեցու լուսարարապետ Տեր Դավիթ քահանա Շախկյանը: Քարոզխոսությունից հետո «Խոկման» մասնակիցները Մայր Եկեղեցու «Հավատամք» հոգևոր կենտրոնի նույնանուն երգչախմբի երգեցողության և մոմերի լույսի ներքո իրենց հուզող հարցերի շուրջ խորհելու և մտորելու առիթն ունեցան: Հավարտ «խոկման» արարողության` Սբ Գրիգոր Լուսավորիչ Մայր եկեղեցու «Հավատամք» հոգևոր կենտրոնի հոգևոր հովիվ, «Խոկման» արարողությունների պատասխանատու Տեր Հակոբ քահանա Խաչատրյանը հանդիպում ունեցավ «Հավատամք» հոգևոր կենտրոնի նորաստեղծ սոցիալական հարցերով զբաղվող խմբի անդամների հետ: Քննարկվեցին խմբի առաջիկա աշխատանքները: |