Ուկրաինայի նախագահ Վլադիմիր Զելենսկիի կուսակցության պատգամավոր Մարիանա Բեզուգլայան հարցում է անցկացրել ԶՈՒ գլխավոր հրամանատար Վալերի Զալուժնիի փոխարինման վերաբերյալ: «Եթե փոխեք Զալուժնուն, ապա ո՞ւմ կընտրեք»,- գրել է նա սոցցանցի իր էջում: Առաջարկվող թեկնածուներից ամենահայտնին գեներալ-լեյտենանտ Միխայիլ Զաբրոդսկին է, նրա թեկնածությունը պաշտպանել է 94 մարդ: Ավելի վաղ The Economist ամսագրին տված հարցազրույցում Զալուժնին հայտարարել էր, որ ուկրաինական բանակը չի հասնի «խորը և գեղեցիկ բեկման»: Նա նաև խոսել էր հակամարտության փակուղային իրավիճակի մասին՝ նշելով, որ Ուկրաինան կպարտվի, եթե Ռուսաստանը շարունակի ավելացնել իր ռազմական հզորությունը: |