ԱՄՆ-ը նոր հարվածներ է հասցրել Եմենին, հաղորդում է CBS News-ը՝ վկայակոչելով ամերիկացի պաշտոնյայի խոսքը: Հարվածները հասցվել են Եմենի մայրաքաղաք Սանայից դեպի հարավ գտնվող Դամար Ալ Քարն շրջանում: Հութիների պաշտոնյաներն օդային հարձակումներ համար պատասխանատու են համարում ԱՄՆ-ին և Մեծ Բրիտանիային: ԱՄՆ Կենտրոնական հրամանատարության հայտարարության համաձայն՝ չորեքշաբթի օրը հութիներն Ադենի ծոցում հարված են հասցրել ԱՄՆ-ին պատկանող առևտրային նավի ուղղությամբ: Հաղորդվում է որոշ վնասների մասին․ տուժածներ չկան: |