Գերլարված իրավիճակ է ԱԳ նախարարության շենքի մոտ։ «Բախման մի տարեք, համապատասխան գործողություններ կիրականացվեն»,-զգուշացնում են ոստիկանները՝ մահակներով հարվածելով վահաններին։ Բագրատ Սրբազանը հայտնեց, որ ոստիկանները ակցիայի մասնակիցներից մեկին են հարվածել․ «Ժողովուրդ մի շփվեք դրանց (ոստիկանների) հետ։ Խփել են մեր տղային։ Ոստիկաններ, ձեզ կարգի հրավիրեք, մեկիդ բերանից մի բան դուրս եկավ մեկի հասցեին, պատասխան եք տալու։ Կանգնել են էստեղ, կարծում ենք նորմալ մարդիկ են, բայց պարզվումա լիքը խուլիգաններ կան մեջները։ Ոստիկանների հետ կխոսենք այնպես, ինչպես իրենք են խոսում»,-հավաքվածներին ասաց Բագրատ Սրբազանը։