Երեխաները լույսի այն շողերն են, որոնք գունեղ բովանդակություն են հաղորդում մեր կյանքին, լցնում աշխարհը բարությամբ ու անկեղծությամբ: Հունիսի 1-ի կապակցությամբ փոքրիներին շնորհավորելու և ժպիտներ պարգևելու նպատակով Նոր Նորք վարչական շրջանի ղեկավար Արմեն Ուլիխանյանի նախաձեռնությամբ Թաթուլ Կրպեյանի անվան զբոսայգում կազմակերպվել էր տոնական գեղեցիկ ծրագիր, որին իրենց մասնակցությունն էին բերել Նոր Նորքի մանկապարտեզների շնորհալի մանուկները: Երեխաներին շնորհավորեցին և զվարճալի պահեր պարգևեցին նաև ուրախ ծաղրածուն, աճպարարն ու սիրված մուլտհերոսները` փոքրիկների օրը վերածելով անակնկալներով լի հեքիաթային տոնի: Նկարները՝ այստեղ |