Ինչպիսի՞ն է ապաշխարության խորհրդի կատարման կարգը: Նախ՝ մարդը պետք է գիտակցի և անկեղծորեն զղջայ իր կատարած վատ արարքի համար ու վճռականորեն որոշի այլևս չկրկնել այն: Ապա՝ նա իր գործած մեղքերը խոստովանում է եկեղեցում, հոգևորականի առջև՝ թողություն (ներում) ստանալու ակնկալիքով (սպասումով): Այնուհետև՝ հոգևորականը խոստովանողի համար սահմանում է ապաշխարություն՝ աղոթք, պահք, ողորմություն, բարեգործություն և այլ բարի գործեր: Այս կերպ ապաշխարողը հնարավորություն է ստանում քավել իր մեղքը: Եվ վերջապես՝ զղջումից, խոստովանությունից և քավությունից հետո եկեղեցում հաղորդության միջոցով մարդը թողության է արժանանում: Այսինքն՝ ներվում են նրա մեղքերը: |