Հավաքական անվտանգության խորհուրդն անընդունելի է համարում ՀԱՊԿ անդամ պետությունների սահմանների մոտ սադրիչ գործողությունները, որոնք կարող են հանգեցնել վտանգավոր միջադեպերի և ռազմաքաղաքական լարվածության աճի: Այս մասին ասվում է ՀԱՊԿ խորհրդի հռչակագրում:
Հավաքական անվտանգության խորհրդի նիստը կայացել է նոյեմբերի 23-ին՝ Մինսկում, սակայն ամփոփիչ հռչակագիրը հրապարակվել է այսօր: ՀՀ վարչապետը չի մասնակցել նիստին: «Անընդունելի են ՀԱՊԿ անդամ պետությունների սահմանների մոտ սադրիչ գործողությունները, որոնք կարող են հանգեցնել վտանգավոր միջադեպերի և ռազմաքաղաքական լարվածության աճի։ Խորը մտահոգություն ենք հայտնում զինված հակամարտությունների գոտիներ օտարերկրյա ահաբեկիչ-զինյալների տեղափոխման կապակցությամբ»,- ասվում է հռչակագրում: