Նոր Նորք վարչական շրջանի հ.101 մանկապարտեզում Երևանի ծննդյան 2797-րդ տարեդարձը և աշնանային ոսկե գույները միախառնվել էին մանուկների լուսապայծառ ժպիտներին՝ կրթօջախը վերածելով հեքիաթների իրական մոլորակի: Տոնակատարությանը մասնակցում էին նաև Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչները, ովքեր կրթօջախի տնօրեն Աննա Ասատրյանի ուղեկցությամբ շրջեցին տոնական ձևավորված տաղավարներով՝ գնահատելով յուրաքանչյուր խմբի աշխատանքը: Միջոցառմանը զուգահեռ կազմակերպվել էր նաև թեմատիկ սպորտլանդիա, որտեղ «Էրեբունի» և «Երևան» թիմերը չափեցին իրենց ուժերը տարբեր մրցաձևերում՝ առաջնորդվելով «Մեկը բոլորի համար, բոլորը՝ մեկի» սկզբունքով: Մասնակից թիմերը պարգևատրվեցին տոնական գավաթներով: Հյուրերը շրջեցին նաև խմբասենյակներով, շնորհավորեցին միջոցառման մասնակիցներին ու կազմակերպիչներին՝ մաղթելով նորանոր հաջողություններ և ստեղծագործական վերելքներ: Նկարները՝ այստեղ |