Mamul.am
Ամբողջական տարբերակ
USD 476.74, EUR 535.47, RUB 7.60, GBP 593.49
+31 °C, +19 °C ... +34 °C Վաղը`+35 °C
Hay / Հայ | Рус | Eng | Tür
Մարդու աղքատությունը առաջին հերթին այ այստեղ է
04:14, 13.02.2019

ԱԺ նիստում կառավարության ծրագրի ներկայացման ժամանակ ՀՀ վարչապետ Նիկոլ Փաշինյանը հիշեցրեց, որ այսօր Հրանտ Մաթևոսյանի ծննդյան օրն է և առավոտն ինքը սկսել է նրա հայտնի «Ծառերը» ստեղծագործությունից մեջբերմամբ:

Նա նշեց, որ հատուկ է դա արել, որովհետև աղքատությունը ոչ միայն սոցիալ-տնտեսական երևույթ է, այլ նաև հոգեբանական, մտածողության որոշակի տեսակի հետ կապ ունի, ինչի մասին և ահազանգել է Հրանտ Մաթևոսյանը:

«Մարդու աղքատությունը առաջին հերթին այ էստեղ ա», - ասաց Ն.Փաշինյանը՝ ցույց տալով գլուխը:

Ըստ նրա՝ քանի դեռ մարդն իր ուղեղում չի հաղթահարել աղքատությունը, ինչքան փող էլ տաս, չի հաղթահարի:

Նա կրկնեց Մաթևոսյանի «Ծառերը» պատմվածքից իր նշած հատվածն ու հայտարարեց, որ իրենց նպատակն է, որ ՀՀ քաղաքացին հաղթահարի տնտեսական խեղճությունն այնպես, ինչպես հաղթահարել է քաղաքական խեղճությունը.

Իսկ տնտեսական խեղճությունը պետք է հաղթահարել աշխատելով։ Աղքատ մարդուն նյութական և սոցիալական որոշակի օգնություն տրամադրելով, հարցը չի լուծվելու, նա նույն աղքատն է մնալու։ Աշխատունակ մարդը աղքատությունը, խեղճությունը պետք է հաղթահարի աշխատելով և սեփական գումարը վաստակելով։ Կառավարության խնդիրը այս առումով աշխատանքի և բարենպաստ սոցիալ-տնտեսական միջավայրի ստեղծումն է։

«Դա է տնտեսական հեղափոխությունը» ։

Մամուլի խոսնակ` Քրիստինա Արզումանյան
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Քրիստինա Արզումանյան
դեպի վեր