Ժամանցը և օգտակարը ոչ միշտ են ձեռք ձեռքի քայլում: Ժամանակի
ընթացքում փոխվում են հայացքները, հանգստանալու, ժամանցը
կազմակերպելու ձևերը: Դուք նախընտրում եք ռեստորաններ, սրճարաններ, մյուսները կանաչածածկ տարածքներ փայտե նստարաններով:
Երբ կառուցվում էր Օղակաձև զբոսայգին, մարդիկ մտածում էին, որ ևս մի գեղեցիկ կանաչ տարածք է ավելանալու փոշոտ ու ոչ այնքան ծառաշատ քաղաքում, բայց ինչպես միշտ ինչը մենք կառուցում ենք ջանասիրաբար և դժվարությամբ, նույնքան ջանասիրաբար ոչնչացնում այն: Այդպես եղավ նաև Օղակաձև զբոսայգու հետ: Մեծ դժվարությամբ խնամված ծառերի փոխարեն տարածքը լցվեց քարով և բետոնով: 5 կմ երկարությամբ այգուց մնացել է մոտ 600մ կանաչապատ տարածք: 60-ական թվականներին այգու հատվածում եղել են սեփական տներ՝իրենց պտղատու ծառերով, 60-ականների վերջին դրանք քանդվել են, այգում կանգնեցվել են արձաններ, կառուցվել են շատրվաններ ու լողավազաններ: Իսկ ահա այսօր, ամբողջը սրճարաններ են, ապահովելով հետաքրքիր ու ցանկալի հանգիստ ժամանակակից ստանդարտներով: Ժամանակներն են պահանջում, հասարակությունն էլ ընդունում է ու շարժվում թելադրանքով: