Սիրելի՛ կանայք, մայրեր և քույրեր,
սրտանց շնորհավորում եմ Կանանց միջազգային օրվա՝ Մարտի 8-ի առթիվ:
Ցանկանում եմ, որ գարնանային բարձր տրամադրությունը, անձնական ու գործնական հաջողությունները ուղեկցեն ձեզ ամբողջ կյանքի ընթացքում: Եղեք առողջ, եղեք ուժեղ, հետևեք ձեր իրավունքների պահպանմանը և նպաստեք մեր երկրի զարգացմանը ձեր ձեռքբերումներով:
Թող բոլորիդ ընտանիքներում հարատևի անսահման սերն ու երջանկությունը, իսկ կանացի ձեր հմայքն ամեն օր բերկրանք պատճառի ձեր հարազատներին ու մտերիմներին:

Սիրելիʹ կանայք և աղջիկներ,
Շնորհավորում եմ բոլորիդ Մարտի 8-ի` Կանանց միջազգային տոնի կապակցությամբ: Այս տոնական օրը ձեզ ուղղված բոլոր բարեմաղթանքների ու շնորհավորանքների առանցքում սերն ու գնահատանքն է, երախտագիտությունն ու խոնարհումը:
Դուք ընտանիքում համբերատար մայր եք, առաքինի կին, բարի ու խորհրդատու ծնող, հոգատար քույր և դուստր, իսկ աշխատանքում` բանիմաց և փորձառու, մասնագիտական ողջ կարողություններն ապագա սերնդին անմնացորդ փոխանցող հմուտ մասնագետ:
Սիրելիʹ կանայք և աղջիկներ, շնորհավորելով ձեզ այս գարնանային գեղեցիկ տոնի կապակցությամբ` մաղթում եմ առողջություն, անսահման սեր, կանացի հմայք, երջանկություն, ժպիտ և ուրախություն:

Կանայք, դուստրեր, մայրեր, քույրեր. ահա այն ուժը, որ մեզ կարող են մղել իրական հերոսությունների, վեհության և հաղթանակների:
Այսօր մենք բարձրաձայնում ենք այդ մասին, տարվա մնացած օրերին՝ գիտակցում ենք դա:
Շնորհավոր Մարտի 8՝ թանկագին կանայք և աղջիկներ:

Մեր արվեստակից սիրելի ու թանկ կանայք, մայրեր, քույրեր, աղջիկներ, գարունը զարթոնք է, հույս է, սպասում է: Իսկ այս ամենի մեջ դուք եք՝ ձեր գեղեցկությամբ, հմայքով, ձեր ներաշխարհների հարստությամբ, ձեր նվիրումներով...
Ես ջերմորեն շնորհավորում եմ բոլորիդ, մաղթում ամենալավն ու բարին: Ես խոնարհվում եմ ձեր արարածի ու ստեղծածի առջև, թատրոնին ձեր անմնացորդ ծառայության առջև: Թատրոնը, ի տարբերություն այլ մուսաների, տղամարդու դեմքով է ներկայանում: Պատճառն այն է, որ մենք՝ տղամարդիկս, պարտավոր ենք գուրգուրել ու փայփայել ձեզ, պաշտպան կանգնել, մեծարել ու միշտ դեպի վեր բարձրացնել:
Ձեր գեղեցկությունը բերեք թատրոն, ձեր հավատն ու սերը ու նաև` անկոտրում կամքը և դիմացկունությունը:
Երջանիկ լինեք:

Սիրելի´ հայուհիներ, շնորհավորում եմ ձեզ գարնանային տոնի կապակցությամբ` մաղթելով բազում ժպիտներ, անխաթար սեր և ներդաշնակ օրեր:

Շնորհավոր մարտի 8։
Կնոջը երջանիկ լինելու համար պետք է սիրող ու սիրելի տղամարդ և առողջ երեխաներ։ Սա անհերքելի բանաձև է։
Մաղթում եմ, որ հայ կինը լինի սիրված ու շրջապատված շատ երեխաներով: