«Քիմ Քարդաշյանը եկել է հարգանքի տուրք մատուցելու Ցեղասպանության զոհերին: Նա միլիոնավոր հետևորդներ ունի: Եթե նա գրում է կամ ասում ինչ-որ բան, ապա դա հիանալի PR է մեզ համար, շատ մարդիկ նույնիսկ չգիտեն, թե որտեղ է գտնվում Հայաստանը»,- բրիտանական The Guardian պարբերականին օրեր առաջ ասել էր ՀՀ Սփյուռքի նախարար Հրանուշ Հակոբյանը:
Նախարարի հայտարարությունը լայն արձագանք է գտել մամուլում ու համացանցում: Շատերի կարծիքով` Հրանուշ Հակոբյանն ասել է իրականությունը, սակայն, ոմանք գտնում են, որ ամեն ճշմարտություն չի, որ պետք է բարձրաձայնել: Ոմանք էլ կարծում են, որ Սփյուռքի նախարարին առհասարակ պետք է արգելել դրսում` հեղինակավոր լրատվամիջոցներին հարցազրույց տալ: